Am Y Gwasanaeth
Mae’r Tîm Cyllid o fewn y Gyfarwyddiaeth Cynllunio, Trafnidiaeth a’r Amgylchedd yn hanfodol i ddatblygu a darparu rhaglenni cyfalaf gwerth miliynau o bunnoedd ledled y ddinas. Gan weithio mewn arena gymhleth sydd yn aml yn heriol yn ariannol, rydym yn chwilio am Bartner Busnes Prosiectau a Chyllid i gefnogi sawl tîm prosiect.
Am Y Swydd
Fel Partner Busnes Prosiectau a Chyllid, bydd angen i chi reoli a chael yr wybodaeth ddiweddaraf am amrywiaeth o brosiectau ar wahanol gamau. Bydd angen i chi feithrin cysylltiadau cryf o fewn timau prosiect gan sicrhau bod eich cyngor a'ch arweiniad yn cael eu clywed a'u deall. Bydd y rôl yn cynnwys:
Paratoi achosion busnes ariannol ar gyfer amrywiaeth o brosiectau cyfalaf.
Cydbwyso dyddiadau cau sy’n gwrthdaro a darparu trosolwg ariannol o raglenni cyfalaf.
Goruchwylio a monitro perfformiad a risg ariannol.
Cynnal asesiad cylch bywyd ariannol.
Ymwreiddio o fewn timau prosiect i gefnogi a herio datblygu a rheoli prosiectau.
Mae'r rôl yn amrywiol ac yn brysur iawn. Byddwch yn cydgysylltu â llawer o wahanol dimau prosiect ar draws y gyfarwyddiaeth a bydd angen i chi feithrin perthnasoedd cadarnhaol â chyllidwyr presennol ac yn y dyfodol.
Beth Rydym Ei Eisiau Gennych
Bydd gennych gefndir mewn cyllid, gyda'r sgiliau allweddol canlynol:
Profiad helaeth o weithio gyda phartneriaid ariannu allanol a thimau ymgynghori i gyflawni prosiectau cyfalaf graddfa fawr.
Profiad o weithio gyda Llywodraeth Cymru neu sefydliad tebyg wrth baratoi a rheoli cyllid grant.
Hanes â thystiolaeth o fonitro a rheoli risg.
Hyfedredd gyda SAP (neu system reoli ariannol debyg).
Profiad o baratoi adroddiadau cynllunio a monitro ariannol manwl a chymhleth.
Y gallu i weithio i derfynau amser caeth a rheoli blaenoriaethau croes.
Sgiliau cyfathrebu a rhyngbersonol cryf.
Y gallu i drefnu eich hun ac eraill er mwyn blaenoriaethu gwaith a bwrw targedau.
Gwybodaeth Ychwanegol
I gael rhagor o wybodaeth am y swydd hon, cysylltwch â Deborah Samuel, DeSamuel@caerdydd.gov.uk.
Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.
#J-18808-Ljbffr
#J-18808-Ljbffr
