University Secretary

Prifysgol Metropolitan Caerdydd Ysgrifenydd y Brifysgol Cyflog cystadleuol Mae Prifysgol Metropolitan Caerdydd yn sefydliad blaengar ac uchelgeisiol, yn brifysgol fodern flaenllaw gyda phroffil dysgu, addysgu, ymchwil ac arloesi unigryw ar draws ystod eang o ddisgyblaethau. Daw ysbrydoliaeth Prifysgol Metropolitan Caerdydd o dros 150 mlynedd o ymrwymiad i addysg fel grym er daioni ym Mhrifddinas-Ranbarth Caerdydd a thu hwnt. Gyda dros 12,000 o fyfyrwyr ar draws dau gampws bywiog yng Nghaerdydd a 18,000 yn fwy o ddysgwyr yn astudio trwy 12 partner rhyngwladol, mae ein cymuned o 30,000 o bobl yn wirioneddol fyd-eang ac wedi ei huno gan ein hymrwymiad cyffredin i ddatblygu diwylliant o urddas a pharch at bawb wrth weithio ac astudio. Rydym nawr yn chwilio am arweinydd ysbrydoledig ac arloesol i ymuno â ni fel Ysgrifennydd y Brifysgol. Bydd Ysgrifenydd y Brifysgol yn adrodd i Gadeirydd Bwrdd y Llywodraethwyr a chyda chyswllt anuniongyrchol â’r Llywydd a’r Is-Ganghellor, ac yn un o uwch swyddogion y Brifysgol, gyda chyfrifoldeb ar draws y sefydliad am lywodraethu, materion cyfreithiol a sicrhau cydymffurfiaeth. Bydd deiliad y swydd yn sicrhau bod Bwrdd y Llywodraethwyr a’i bwyllgorau yn cael eu cynghori a’u cefnogi ar lefel uwch, bod safonau llywodraethu uchel yn cael eu cynnal, a bod busnes yn cael ei gynnal yn broffesiynol, yn effeithiol ac yn effeithlon. Bydd deiliad y swydd yn gyfrifol am oruchwylio a sicrhau cydymffurfiaeth â gofynion rheoliadol ar draws ystod o weithgareddau’r Brifysgol a sicrhau bod yr Is-ganghellor, Bwrdd y Llywodraethwyr a grŵp gweithredol y Brifysgol yn cael eu cynghori ar bob mater sy’n ymwneud â chydymffurfiaeth, rheoleiddio a sicrwydd. Bydd gan ymgeiswyr brofiad sylweddol mewn rôl lywodraethu a chydymffurfio uwch mewn sector rheoledig cymhleth ynghyd â phrofiad sylweddol o gefnogi Byrddau a phwyllgorau. Byddwch yn dod â gwybodaeth drylwyr am reoleiddio, cydymffurfio ac arfer gorau a hanes blaenorol o arwain, rheoli a datblygu pobl. Bydd gennych hefyd sgiliau cynllunio rhagorol, a sgiliau dadansoddi a datrys problemau datblygedig, a hanes blaenorol o gyflawni cynlluniau i gyflawni nodau penodol. I ddarganfod mwy am y cyfle hwn, ewch i

https://andersonquigley.com/cardiff-met-leadership Dyddiad cau:

hanner dydd, dydd Llun 10 Chwefror 2025 . Rydym wedi ymrwymo i gefnogi a hyrwyddo cydraddoldeb ac amrywiaeth ac i greu amgylchedd gwaith cynhwysol. Mae ein Cynllun Strategol yn sail i'n hymrwymiad i recriwtio a chadw'r doniau gorau ac rydym yn croesawu ceisiadau gan bobl o gefndiroedd amrywiol. Rydym yn penodi ar sail teilyngdod.

#J-18808-Ljbffr